काठमाण्डाै: काठमाण्डाैकाे नयाँ बसपार्क क्षेत्रबाट ठगी र किर्ते गर्ने रकम असुली गर्ने सुदूरपश्चिमका ४ सहित ८ जना पक्राउ परेका छन् । जिल्ला प्रहरी परिसर काठमाण्डाैले आज आइतवार पत्रकार सम्मेलन गरी सार्वजनिक गराएको हो ।
‘आन्तरिक राजस्व कार्यालयका कर्मचारी हौँ’ भन्दै उनीहरूले कर असुलीको नाममा ठगी र किर्ते काम गरेको पाइएपछि उनीहरूलाई पक्राउ गरि अनुसन्धान भइरहेको परिसरका प्रमुख एवम् वरिष्ठ प्रहरी उपरीक्षक भरतबहादुर बोहराले जानकारी दिए । उनीहरूले आफूहरू आन्तरिक राजस्व कार्यालय लाजिम्पाटकाे कर्मचारी भएकाे भन्दै बसपार्क क्षेत्रका होटल, रेस्टुरेन्ट, पसलबाट रकम असुल गरेको पाइएको छ ।
पक्राउ पर्नेहरूमा कञ्चनपुरका राजीव विष्ट, अछामकी सागरजंग लुहार र दुधकला विश्वकर्मा, पूर्वी नवलपरासीका मीनबहादुर विश्वकर्मा, पाँचथरकी सृजना भट्टराई, सिन्धुपाल्चोककी प्रमिसा तामाङ, नुवाकोटकी अञ्जना तामाङ, र डेविड धामी रहेका छन् । उनीहरूको साथबाट आन्तरिक राजस्व कार्यालयको नाममा छापिएको लेटर प्याड, नगद रसिदसहित पाँच लाख आठ हजार छ सय ४० रुपैयाँ पनि बरामद गरिएको वरिष्ठ प्रहरी उपरीक्षक बोहराले बताउनुभयो ।
उनीहरूमाथि प्रहरीले ठगी र किर्ते गरेको अभियोगमा मुद्दा चलाउने तयारी गरिरहेको छ । अहिले पीडितहरूको उजुरी लिने काम भइरहेको पनि प्रहरीले जनाएको छ । बिचमाण्डौको सहयोगमा
