बाटो देखायो बर्गशङ्घर्षको कामदार लाई,
उखालेर फाल्न सिकायो हिटलर जार लाई।
जिवन लगायो सबै श्रमजिवीको उत्थानमा,
फैलाए दुनियाँ भरी उनैले बर्गिय प्यार लाई।
एकताको तागत सबैभन्दा शक्तिशाली हुँदा,
बदलन सिकायो मार्क्सवादले सन्सार लाई।
सर्वहारा श्रमजिवी लाई जुर्मुराउँन साकायो,
खोस्न साकायो आफ्नो हक अधिकार लाई।
गरिब ज्यामीले पाए नयाँबाटो वर्गशंघर्षको,
आपसमा सिकायो मित्रताको व्यबहार लाई।
उसैको बदौलत पाएका छौं हामिले अहिले,
जिवनकै एउटा सुनौलो ज्युँने आधार लाई।
॥१॥
जो सहिद भएका थिए यही देशको लागी उनै,
बनेकैछन् उपहासका श्रोत आज अभागी उनै।
रगतमा पौडेर त्यो चुम्यो सिखर गर्यो राष्ट्ररघात,
लगाएर ताज टाउकामा सबै सिमाना नागी उनै।
छाँड्छन् देश बिदेशमा दर्शन्का गफ डाँकाहरू,
पोलेर दार्शनिक बिचारहरू लाई बने दागी उनै।
कुहिराको काग भयो क्रान्तिको बिउ छैन याहाँ,
अवसरबादी को हातमा गएछ लगाम धागी उनै।
अती भयो खती पनी हुन्छ जाग्छ मुर्दाको बस्ती,
लिन्छन् बद्ला कुनै दिनमा मुर्दाहरू जागी उनै।
॥२॥
अवसरबादीले छोपेको छ कमान क्रान्तिको,
छलफलगरौं हामी केहुन्छ निदान क्रान्तिको।
उस्ले ज्यान गुमायो देश र जनताको लागी,
केही रहेन शेष केवल छ शन्तान क्रान्तिको।
गित गाउंछ आज गुमाएर पनि सर्वस्व उस्ले,
पेटपाल्ने आधार त्यही छ उखान क्रान्तिको।
धेरै मारिए आयो पुजिंवादी गणतन्त्र देशमा,
परिणाम यही असमान सम्बिधान क्रान्तिको।
सबैले आफुलाई क्रान्तिकारी भन्छन देशमा,
बाटो अप्नाउंन कहांहुन्छ आसान क्रान्तिको।
हिंजो मज्दुरदिवस धेरैले मनाए छुट्टा छुट्टै,
दु:खलाग्छ बिख्रेको देख्दा जहान क्रान्तिको।
॥३॥
आफ्नो पराण नै दिए मज्दुर एकताको लागी,
आजिवन शङ्घर्ष गरे भरपुर एकताको लागी।
आज उनैले लगाएको फल खाँदैछौं कर्मिहरू,
बसे सुख सुबिधाबाट धेरै दूर एकताको लागी।
कजाउँथ्यो मालिक बनेर ऊ औजारको बलमा
मारिन्थे धेरै अकालमै वेकसुर एकताको लागी।
त्याग बलिदानको लामू गाथा बोकेको मेई दिन,
आवहान गर्छन् सबैलाई हजूर एकताको लागी।
फुटेर होइन जुटेर जित्तिन्छ यो लडाई हाम्रै हो,
उठाउँ यो रातो झण्डा जरूर एकताको लागी।
शिकागोका शिहिदहरू लाई रातो शलाम हाम्रो,
बर्गिय शङ्घर्षका यी कोहिनूर एकताका लागी।
॥४॥
॥४॥
रगतमा भिजेको लुगा ध्वज बनाए मज्दुरले,
आन्दोलनमा पराणकै बाझी लगाए मज्दुरले।
थर्कियो प्रतिकृयावादीको फलामको किल्ला,
साशकहरुको नियम कानुन जलाए मज्दुरले।
उठ्यो चारौं तिर आन्दोलन उद्धोगिक क्षेत्रमा,
पुँजिवादहरू लाई थाङ्नामा सुताए मज्दुरले।
काम आठ घन्टा मनोरन्जन र आराम बराबर,
दुनियाँका शोशकहरू लाई झुकाए मज्दुरले।
फैलियो क्रान्तिकारी आन्दोलन दुनियाँ भरिमा,
संगठन बनाए जुझारू यौद्धा जुटाए मज्दुरले।
एक मईको इतिहाशलाई नियालेर हेरौं त हामी,
यो ऐतिहासिक आन्दोलनलाई उठाए मज्दुरले।
॥५॥
शिकागोका शहिदहरूको बलिदान ठुलो छ,
सन्सार भरीमा सधै उनैको सम्मान ठुलो छ।
सन अठार सय छयासिको त्यो महा संग्राम,
‘हे’मार्किटको आन्दोलन नै धुन्धान ठुलो छ।
सन् अठार सय नब्बेबाट मई दिवस मनायौँ,
बर्गिय आन्दोलनमै त्यहाँको उठान ठुलो छ।
प्रतिकृयावादीकै मुटु थर्काउँने आन्दोलनमा,
अमेरिकाकै मजदुरहरूको गुनगान ठुलो छ।
मुठ्ठिभर शोशकहरूकै छ हालिमोहाली सधै,
तर दुनियाँभरीका मज्दुरको जहान ठुलो छ।
यो छोंटो गजलमा साध्यछैन भनि त्यो गाथा,
एक मईको मज्दुरदिवसको उखान ठुलो छ।
रोक्न सक्दैन साम्राज्यवादीले अबको पालो,
श्रमजिवीकै मुटुभित्र लुकेको तुफान ठुलो छ।
आउ सन्सार भरिका श्रमजिवीहरूनै एक हौँ,
यही आनदोलनमा मज्दुरको लगान ठुलो छ।
सुरेशकुमार पाण्डे
