कैलालीमा सिकलसेल रगत परिक्षण शिविर सम्पन्न

धनगढी: सिकलसेल तथा थालासेमिया रोग निदान तथा पहिचान शिविर सम्पन्न भएको छ । स्वास्थ्य कार्यालय धनगढीको आयोजना र स्थानीय तहसंगको समन्वयमा स्क्रिनिङ स्वस्थ्य शिविर सम्पन्न भएको हो ।

कैलालीको भजनी, जानकी, जोशिपुर, घोडाघोडी र बर्दगोरीयाका दुइ–दुइ स्थानमा गरी जम्मा १० ठाउँमा शिविर संचालन गरीएको जनाएको छ । थारु समुदायको बस्ती भएको क्षेत्रमा स्क्रिनिङ रगत परिक्षण गरेको हो । सुदूरपश्चिम प्रदेश सरकारको सिकलसेल कार्यक्रम प्राथमिकतामा रहेको छ । दश वटै स्थानमा गरिएकोमा करिब ४ हजार जना सेवाग्राहीहरुले सेवा लिएका हुन ।