नेपाल आईडलका बिजेता रबि ओडलाई बधाई दिदै अस्मिता अधिकारीले मनछुने यस्तो भावुक स्टाटस लेखिन

label सुदूर खबर संवाददाता query_builder December, 23 2018

काठमाडौँ, पुष ८ । नेपालको अन्तराष्ट्रिय स्तरको पहिलो चर्चित रियालिटी शो ‘नेपाल आइडल सिजन २’ का बिजेता सुदुर पश्चिमका शान रबि ओड बनेका छन् । शुक्रबार भएको अन्तिम प्रतिस्पर्धामा तीन प्रतिस्पर्धीलाई पछि पार्दै सूदूरपश्चिम प्रदेशको कञ्चनपुरका रबि ओडले उपाधि जितेको हुन् । दर्शकहरुको सर्वाधिक भोट पाएर उनि नेपाल आइडल सिजन २ का बिजेता बनेका हुन् । फस्ट रनरअप बिक्रम बराल, सेकेन्ड रनरअप सुमित पाठक र थर्ड रनरअप अस्मिता अधिकारी बनेकी छिन् ।

यस्तै फस्ट रनरअप बिक्रम बराल, सेकेन्ड रनरअप सुमित पाठक र थर्ड रनरअप अस्मिता अधिकारी बनेकी छिन् । आइडलको थर्ड रनरअप भएकी प्रदेश नं १ झापाकी अस्मिता अधिकारीले हिजो (शनिबार) आफ्नो फेसबुक पेजमार्फत सबैको मन छुने स्टाटस लेखेर सेयर गरेकी छिन् । उनको स्टाटस जस्ताको तस्तै:

“सर्वप्रथम त मेरो साथी रबि ओडलाई मुरी मुरी बधाई।

हार र जीत भनेको केवल मनको अवस्था हो | महत्पूर्ण कुरा त यो क्षण हो, यो सुनौलो सांगीतिक यात्रा हो जसको कुनै अन्त्य छैन | अहिलेको क्षणिक दुखमा डुबेर अहिले सम्मको पाएको सांगीतिक उपलब्धि अनि हजुरहरू जस्तो लाखौ श्रोताहरूको मायालाई कदापी नकार्न सक्दिन | आत्मासात गर्नु अनि सबै दुख सुखलाई सराहना गर्दै जीवन बाच्नुनै मेरो लागि सहि अर्थमा जीवन जिउनु भन्ने लाग्छ|

मैले यो प्रतियोगिताबाट केवल पाएको मात्र छु l केहि पनि गुमाएको छैन| अनि सहि अर्थमा भन्नु पर्दा मैले बल्ल सांगीतिक महासागरको एउटा सानो अंश थाहा पाएको छु अनि एउटा बिध्यार्तिको रुपमा मेरो सांगीतिक अध्यन बल्ल सुरु भएको छ | धेरै लामो छ यो यात्रा अनि हजुरहरूलाई गरेको वाचा पुरा गर्न धेरै मेहनत गर्नु छु र यो अलौकिक यात्राको पहिलो दिन आज हो |

मलाई नेपाल आइडल सिजन २ को टप ४ फाइनालिस्ट बनाई यस्तो गौरबमय अनुभूति दिनुहुने सम्पूर्ण पक्षहरू :एपी वान टिभी परिवार, सम्मानीय जजहरू, अनि मेरो प्राणभन्दा नि प्यारो मेरा सुभचिन्तकहरू मेरा परिवारका सदस्यहरू , मेरो साथीसंगीहरू , मेरो गुरुजनहरू , मेरो सपोर्ट ग्रुपमा डटेर लागेका सदस्यहरू , बिदेशी भूमिमा बसेर पनि आफ्नो अमुल्य सहयोग दिनु हुने सहयोगी व्यक्तित्वहरू र देशका कुना काप्चामा बसेर मलाई हसौला दिनु हुने र मेरो लागि प्राथना गर्नु हुने समस्त आत्मा प्रति कोटी कोटी श्रदा सुमन अर्पण गर्न चाहन्छु।”

तपाईंको प्रतिक्रिया दिनुस्
सुदूर खबर संवाददाता

सुदूर खबर संवाददाता

सुदूर खबर अनलाइन मिडिया प्रा.लि. द्वारा सञ्चालित यो (www.sudurkhabar.com) सुदूर पश्चिमको पहिलो र एक मात्र आधिकारिक अनलाइन न्यूज पोर्टल समयानुसार पाईलाहरु अगाडि बढाउँदै सही सूचना र निश्पक्ष समाचार सम्प्रेषण गर्न हामी तपाई माझ उपस्थित छौँ ।