पूर्वप्रशिक्षक पुबुदु दासानायकेले भने– सन्दीपको बलिङ क्षमता अद्भूत छ

label सुदूर खबर संवाददाता query_builder March, 17 2019

काठमाडौं, चैत ३ । नेपाली राष्ट्रिय क्रिकेट टिमका पूर्व प्रशिक्षक पुबुदु दासानायकेले सन्दीप लामिछानेले विश्व क्रिकेटमा तहल्का मच्चाउँछन् भन्ने अनुमान पहिले नै गरेको बताएका छन् ।

उत्कृष्ट बलिङ क्षमता देखेर दासानायकेले नै सन्दीपलाई क्रिकेट लाइमलाइटमा ल्याएका थिए । अहिले अमेरिका राष्ट्रिय क्रिकेट टिमको प्रशिक्षणको जिम्मेवारी सम्हालेका दासानायकेले भने, ‘उसको बलिङ क्षमता उद्भूत छ । म यसकारण भाग्यमानी ठान्दछु की उसलाई बसन्त रेग्मीको विवाहका बेला भेटेको थिएँ ।’

‘नेपालमा सन्दीपमा लुकेका प्रतिभाहरु अझ धेरै छन् । एसोसियट क्रिकेटका लागि यस्तो प्रतिभा महत्वपूर्ण छ,’ दासानायकेले थपे । त्यही बेलामा सन्दीप नेपालको खेलमा महत्वपूर्ण भुमिका निर्वाह गर्न सक्ने अनुमान दासानायकेले गरेको बताए ।

नेपालमा मात्र नभई विश्वका धेरै फ्रेन्चाइज लिगहरुमा सन्दीपको प्रदर्शन उत्कृष्ट रहँदै आएको छ । ‘उसले यस्तो प्रदर्शनलाई निरन्तरता दिनु पर्छ । तर उसले खेलसँगै ब्यक्तिगत रुपमा पनि सुधार्ने पक्षहरु अझ धेरै छन्,’ दासानायकेले सुझाव पनि दिए ।

चार वर्ष नेपाली क्रिकेट सम्हालेको पुबुदुले नेपाललाई महत्वपूर्ण सफलता दिलाए । उनकै प्रशिक्षणमा नेपालले सन् २०१४ मा भएको टी–२० विश्वकप खेलेको थियो ।

तपाईंको प्रतिक्रिया दिनुस्
सुदूर खबर संवाददाता

सुदूर खबर संवाददाता

सुदूर खबर अनलाइन मिडिया प्रा.लि. द्वारा सञ्चालित यो (www.sudurkhabar.com) सुदूर पश्चिमको पहिलो र एक मात्र आधिकारिक अनलाइन न्यूज पोर्टल समयानुसार पाईलाहरु अगाडि बढाउँदै सही सूचना र निश्पक्ष समाचार सम्प्रेषण गर्न हामी तपाई माझ उपस्थित छौँ ।