निर्मला हत्या प्रकरण : पूर्व एसपी विष्ट धरौटीमा थुनामुक्त

label सुदूर खबर संवाददाता query_builder March, 24 2019

कञ्चनपुर, चैत १० । कञ्चनपुरकी १३ वर्षीया निर्मला पन्तको हत्या प्रकरणमा घटनाको प्रमाण नष्ट गरेको र यातना दिएको अभियोगमा हिरासतमा रहेका पूर्व एसपी दिल्लीराज विष्ट थुनामुक्त भएका छन् ।

कञ्चनपुर जिल्ला अदालतले माग गरेको १० लाख रुपैयाँ धरौटी तिरेर उनी रिहा भएका हुन् । जिल्ला न्यायाधीश राजेन्द्रकुमार आचार्यको इजलासले विष्टसँग १० लाख धरौटी माग्ने आदेश गरेको थियो ।

यसअघि शुक्रबार विष्टको बहस सकिएको थियो । पूर्व एसपी विष्टसहित ८ जना प्रहरी अधिकारीविरुद्ध निर्मला हत्या प्रकरणको प्रमाण नष्ट गरेको र घटनाका आरोपी मानिएका दीलिपसिंह विष्टलाई यातना दिइएको भन्दै मुद्दा दायर भएको थियो ।

जिल्ला अदालत कञ्चनपुरले गत फागुन ३० गते उक्त मुद्दामा फैसना सुनाउँदै ६ जना प्रहरीलाई धरौटीमा रिहा गर्न आदेश दिएको थियो । अदालतको आदेशपछि ६ प्रहरी ३१ लाख रुपैयाँ धरौटीमा रिहा भइसकेका छन् । घटनापछि अनुसन्धानमा संलग्न सिआइबीका डिएसपी अंगुर जिसी भने अझै सम्पर्कमा आएका छैनन् ।

तपाईंको प्रतिक्रिया दिनुस्
सुदूर खबर संवाददाता

सुदूर खबर संवाददाता

सुदूर खबर अनलाइन मिडिया प्रा.लि. द्वारा सञ्चालित यो (www.sudurkhabar.com) सुदूर पश्चिमको पहिलो र एक मात्र आधिकारिक अनलाइन न्यूज पोर्टल समयानुसार पाईलाहरु अगाडि बढाउँदै सही सूचना र निश्पक्ष समाचार सम्प्रेषण गर्न हामी तपाई माझ उपस्थित छौँ ।