शिशिर भण्डारी ‘हाम्रो माया जिन्दावाद’पछि दुई जोडी जुम्ल्याहाहरुसँग नयाँ गीत ‘अमिलो निबुवा’ लिएर आउँदै(भिडियो हेर्नुस)

label sudurkhabar query_builder May, 15 2019

काठमाडौं- हाम्रो माया जिन्दावाद’ गीतको सफलता पछि उक्त टिमले मेलवर्नमा रहेको आर जी आई टी अष्ट्रेलिया इन्टरनेशनल कलेजको मुख्य प्रायोजन र मेट्स ईन्टरनेशनल एजुकेशन एण्ड भिसा सर्भिसेसको सहप्रायोजनमा ‘अमिलो निबुवा’ बोलको गीतको भिडियो बजारमा ल्याउने भएका छन् । युवापुस्तालाई लक्षित गरि बनाईएको डान्सिङ् गीतमा दिपक सिलवालको संगीत र शब्द तथा निखिता थापा र जीवनको स्वर सुन्न सकिनेछ ।

टिकटकबाट चर्चा कमाई ‘हाम्रो माया जिन्दावाद’ गीत मार्फत म्युजिक भिडियोमा समेत आफ्नो उत्कृष्ठ अभिनय र डान्सका साथ चर्चा कमाउन सफल ट्वीन गर्लस् प्रिज्मा खतिवडा र प्रिन्सी खतिवडालाई पुनः यस भिडियोमा देख्न पाईने भएको छ । साथै ‘हाम्रो माया जिन्दावाद’ गीतमा अतिथिको भुमिकामा मात्र देखिएका अर्का ट्नीन गर्लस् दीपा श्रेष्ठ र दमन्ता श्रेष्ठ यस भिडियोमा भने प्रिज्मा प्रिन्सीसँगै मुख्य डान्सरकै रुपमा देखिँदै छन् । यि दुई ट्वीन जोडीका साथमा नयाँ नयाँ न्युज नेपलका चर्चित भिजे, समाजसेवी तथा कालाकार शिशिर भण्डारी र मोडल तथा डान्सर मिलन शंकरले ठुम्का मार्दैछन् । जीवन रशाईलीको निर्देशन रहेको ‘अमिलो निबुवा: भिडियो चाँडै रिलिज हुने बताईएको छ ।

तपाईंको प्रतिक्रिया दिनुस्